FCB / Mi ta buska / Kas di hür / Reakshoná riba un kas

Pa por reakshoná riba un kas di hür bo mester ta inskribí na nos fundashon. FCB ta hasi uso di e norma di apropiashon pa e kasnan disponibel:

​

• E kantidat di miembro di famia den relashon ku grandura di e kas

• E entrada di e famia den relashon ku e prèis di hür a base di e sistema di puntuashon

• Durashon di e inskripshon òf tempu di espera

• Petishon pa un traslado di kas òf pasamentu di un kas pa otro ('doorstroming') tin prioridat

• Aplikashon di urgensha den kasonan eksepshonal

​

Bo ta mira un kas den Mi FCB ku ta kumpli ku bo deseonan i pa kua bo ta bin na remarke? E ora ei bo por reakshoná riba e kas dor di primi riba 'Reakshoná'. Bo tin pregunta òf bo no ta logrando? Tuma kontakto ku nos via e formulario di kontakto. Gustosamente nos ta yuda bo pa haña un kas di hür adekuá. Tambe bo por bèl nos.

Si bo a haña un kas asigná na bo persona, esaki ta nifiká ku bo mag hür un kas di FCB. Bo ta risibí un yamada di telefon, un 'imeil' òf 'whatsapp' di nos. Ku esaki nos ta duna bo mas informashon kon pa sigui. Despues nos ta invitá bo pa hasi un bishita na e kas. Na momentu ku bo aseptá un kas, outomátikamente lo bo ser kitá for di e lista di espera.