FCB / Enkuanto nos / Reglamentu Komishon independiente di keho

Bo por akudí na e Komishon di keho si bo ta haña ku FCB no a trata bo keho na satisfakshon. Sí ta asina ku semper bo mester a entregá bo keho por eskrito na FCB promé (karta òf imeil). Pasobra ku FCB mester tin e oportunidat promé pa e mes solushoná bo keho.

 

E Komishon di keho por tuma un keho den tratamentu si ta trata di e manera di traha di FCB dor di kua e kehadó ta ser perhudiká direktamente den su interes. Si e keho ta dirigí riba algu otro, e Komishon di keho no ta outorisá pa trata esaki.

 

Tampoko e Komishon di keho ta outorisá pa trata un keho ku ainda tin ku ser tratá den Korte, manera kehonan ku ta trata preis di hür òf kompensashonnan.

 

Ken por entregá un keho?

Un hürdó òf un interesado pa kas di FCB por entregá un  keho.

 

Kiko e Komishon di keho ta hasi?

E Komishon di keho independiente akí ta tuma bo keho den tratamentu (enkuanto akshonnan tumá òf no tumá dor di FCB òf di personanan, kompanianan òf instansianan ku FCB a embolbí i e ta duna konseho na gerensia di FCB). E konseho di e Komishon di keho no ta obligatorio pa gerensia. FCB no ta obligá di sigui e konseho. Sin embargo FCB mester tin si un motibu fundá pa no sigui e konseho.

 

Di kuantu persona e Komishon di keho ta konsistí?

E Komishon di keho, ku ta trata e keho pa loke ta kontenido, ta konsistí di tres persona, nombrá segun e diseño di profil pa e miembronan di e Komishon di keho.

 

E Komishon di keho ta independiente. Pues empleadonan di FCB no por ta miembro di e Komishon di keho. E Komishon di keho tin ku atené su mes na e Reglamentu Komishon di keho independiente.

 

 

Prosedura pa tratamentu di keho

 

Stap 1.

Bo ta entregá un keho na FCB, pero e ta keda rechasá.

 

Stap 2.

Bo ta bolbe entregá e keho na FCB, pero e biaha akí por eskrito i na nòmber di e mѐnedjer di e sekshon. Atrobe bo keho ta keda rechasá.

 

Stap 3.

Si bo a kumpli ku e puntonan manera menshoná na stapnan 1 i 2 , e ora ei dentro di kuater luna di fecha di reakshon por eskrito di FCB, bo por entregá un keho por eskrito via [email protected] na Komishon di keho. Pa esaki bo ta usa e formulario di keho di Komishon di keho.

​

Tuma nota: e Komishon di keho no ta outorisá pa trata tur sorto di keho (por ehѐmpel asuntunan di plaka, preis di hür, apuntashon di kas òf kompensashon pa daño).

 

Stap 4.

Despues di a sigui e prosedura pa entrega di un keho, bo ta risibí dentro di un siman via imeil un konfirmashon di entrega di bo keho.

 

Stap 5.

Dentro di tres siman despues di a risibí e keho, e Komishon di keho ta manda un karta pa e kehadó den kua ta pará si e keho ta kumpli ku tur kondishonnan pa ser tratá.

 

Stap 6.

Asina ku e Komishon di keho tuma bo keho den tratamentu, nan ta pidi un reakshon por eskrito di FCB riba bo keho i e maneho di e fundashon den kasonan asina. FCB ta ser supliká pa bini ku un reakshon dentro di seis siman despues di a risibí e keho.

 

Stap 7.

Dentro di ocho siman despues di a risibí e keho lo manda tur papeleo pa e kehadó i FCB, huntu ku un invitashon na ámbos partido pa, si ta nesesario, ta presente na e seshon (tratamentu verbal di bo keho). Partidonan lo aklará nan punto di bista a base di skucha ambos banda dor di e Komishon.

Tambe por ta asina ku e keho a keda resolvé dor di FCB òf ku e kehadó ta hala su keho aden. E Komishon di keho por skohe tambe pa un tratamentu distinto di e kaso, si tin motibu pa esaki.

 

Stap 8.

Dentro di un término di diesdos siman despues di a risibí e keho, e Komishon di keho lo duna su konseho di konosé por eskrito na gerensia di FCB.

 

Stap 9.

Dentro di kuater siman FCB lo manda e desishon di gerensia huntu ku un kopia di e konseho di Komishon di keho pa e kehadó, i un kopia di esaki pa e Komishon di keho. FCB lo partisipá den su desishon si e konseho di e Komishon di keho a ser apliká òf nò. FCB por desviá di e konseho si e tin sufisiente argumentonan fundá pa hasi esaki.

​

Baha: