Na yüni, FCB a risibí bishita di Minister pa bibienda i ordenansa di tereno, sr. Hugo de Jonge, na nan ofisina.

Pa vários luna kaba ta posibel ku hürdónan i buskadónan di kas di Fundashon Cas Bonairiano por pasa na ofisina tur djabièrnè durante mainta pa yudansa pa traha un kuenta di Mi FCB via di e wèpsait di Fundashon Cas Bonairiano.

Na komienso di mei den e aña aki Fundashon Cas Bonairiano, den era nobo pa outomatisá su servisionan a lansa su wèpsait nobo www.fcb.live ku ta aksesibel na Papiamentu i tambe Hulandes pa un i tur ku kier sa mas tokante di FCB.

For di 31 di mart 2023 e periodo pa hasi petishon pa deskuento temporal a kuminsá ofisial. Hürdónan a risibí un karta na kas ku informashon di preis di hür entrante 1 di yüli 2023, ku e petishon pa apliká pa deskuento temporal.

Resientemente Fundashon Cas Bonairiano tabatin dianan di enkuentro kaminda buskadónan di kas i hürdónan di kas por a akudí pa yudansa pa aktivá nan kuenta di FCB via e wèpsait nobo di FCB. Debí na e situashon di tempu ku Boneiru ta ferwagt e enkuentro planiá awe, 29 di yüni 2022 den bario di Rincon na Plenchi Carmen Goeloe na Cocari lo NO bai dor. Te un próksimo aviso.

Resientemente FCB a lansa su wèpsait nobo www.fcb.live ku ta aksesibel pa un i tur. FCB a manda pa tur su klientenan un mail ku un link pa aktivá nan kuenta di FCB via di e wèpsait aki. Aktivando e kuenta aki tantu buskadónan di kas di FCB komo hürdónan di kas di FCB lo por hasi uso di e kuenta privá aki pa risibí diferente servisio ku lo no ta disponibel mas na kantor.

Djabièrnè tramèrdia 1 di aprel 2022 no ménos ku 16 partner di kadena i stakeholder a skirbi historia na Boneiru mediante firmamentu di e deklarashon di intenshon Bibienda pa gruponan di enfoke vulnerabel.

Fundashon Cas Bonairiano (FCB) i ministerio di Salubridat, Bienestar i Deporte (VWS) ta bai traha konhuntamente kasnan nobo pa un fasilidat di biba bou di guia pa hóben na Boneiru. Riba 11 di mart direktor Ben Oleana (FCB) i Sekretario General suplente Abigail Norville (VWS) a firma e kombenio di kooperashon.

Ta bin un sitio nobo pa rekreá i reuní ku otro na Nieuw Amsterdam, Boneiru. Riba djabièrnè 11 di mart Fundashon Cas Bonairiano, ministerio di VWS i Jantje Beton a duna lus bèrdè pa huntu ku abitantenan di e bario, desaroyá e sitio nobo akí. Ta pa di promé bia ku Jantje Beton ta desaroyá un lugá pa rekreá den e parti Karibense di Reino. Entrante komienso di 2023, grandi i chikitu por hasi uso di e lugá akí.

Fundashon Cas Bonairiano ayera tardi a hasi entrega di Sentro di bario Nikiboko na
Entidat Públiko, representá pa diputado sra. Nina den Heyer, despues di a terminá
ku e renobashon di esaki.
E renobashon di e sentro di bario aki ta parti di un kombenio firmá na yüni 2021 den
kua Entidat Públiko a duna FCB e tarea pa renobá òf hasi mantenshon na e
sentronan di bario, kuminsando ku Sentro di bario Nikiboko.

E organisashon CANEYE e ser fundá na mart 2009 ku komo meta defendé e interesnan komun riba tereno di bibienda popular i pa promové koperashon i kontaktonan na interes di bibienda popular den mas ámplio sentido di palabra.

Den e siman di 14 pa 18 di yüni 2021 FCB a organisá durante henter siman ‘workshop’nan pa sigui interkambiá di idea pa yega na un maneho di apuntashon i urgensha adekuá. Henter e siman a transkurí bou di guia di señora van de Veerdonk, konsehero pa asuntunan di bibienda popular, den koperashon ku señora Kessels di fundashon ‘thuis.

Sentro di bario Nikiboko ta wòrdu renobá kompletamente. Esaki ta parti di un akuerdo firmá entre diputado Nina den Heyer i sr. Ben Oleana di FCB. Banda di e renobashon di Sentro di bario Nikiboko, ta e intenshon pa hasi mantenshon na e sentronan di bario Nort Saliña, Amboina, Tera Kòrá i Antriol/Family Justice Center.

Den kuadro di e preparashonnan pa e di tres fase di e proyekto di 500 kas di hür sosial, OLB (Direktorado R&O) a invitá habitantenan di bario Hato pa bin tuma nota di e plan di parselashon pa e proyekto nobo i pa interkambiá di idea riba esaki.

Na novèmber 2020 e sekshon ‘Woondiensten’ a organisá un ‘Kas habrí’ pa esnan riba nos lista di inskripshon pa kas, ku e meta pa na un manera simpel i fásil laga hürdónan potensial sera konosí ku nos kasnan.

Nos ta den espera pa e ordenansanan “Wet Maatregelen Huurwoningmarkt Caribisch Nederland”, “Huurcommissie-Huurprijzenverordening” i e “Verhuursubsidieverordening” bin na vigor. A palabrá ku e otro ordenansa, “Huisvestingsverordening”, lo drenta na vigor riba un fecha mas despues.

Riba invitashon di FCB e bùs ta buska miembronan di Konseho Insular, Kolegio Ehekutivo i miembronan di prensa pa huntu hasi un bishita na e sitio di konstrukshon di e kasnan nobo. Na kaminda e mènedjer di Sekshon Tékniko di FCB ta duna splikashon di e proyekto di 500 kas di hür sosial. E delegashon por a mira e desaroyonan pa loke ta trata e kasnan i e infrastruktura miéntras ku nan preguntanan tabata haña kontesta.

Riba proposishon di e grupo piloto “Woonteam” (FCB, OLB, SZW-Rijk) a tene un konferensha di prensa den kua e mènedjer di e sekshon “Woondiensten” di FCB, huntu ku kolaboradornan di OLB (Desaroyo integral di bario) a duna informashon enkuanto e maneho di FCB pa adaptashon di preis di hür i e Areglo di emergensha di OLB.

E terenonan di èrfpagt primintí pa realisashon di e proyekto di en total 500 kas di hür sosial finalmente a ser pasá pa FCB dilanti di notario, den e último kwartal di 2020. Esaki segun a wòrdu kumbiní i firmá pa Hulanda (Ministerio di BZK), Entidat Públiko Bonaire (OLB) i Fundashon Cas Bonairiano (FCB) den e “Convenant Volkshuisvesting Bonaire van 27 juni 2019”.

Na aña 2009 a kuminsá ku un proyekto di renobashon pa tur kasnan di FCB ku a ser konstruí promé ku aña 2000. Tabata e promé proyekto di e índole akí den e 46 aña di eksistensia di FCB. Den pasado sporádikamente a yega di pasa un man di fèrf na e kasnan, pero finansieramente no tabata tin espasio pa hasi mas ku esaki.