E kódigo konosé sinku prensipio. E prensipionan ta komplementá otro i mester wòrdu mirá den relashon ku otro. Kada prensipio ta wòrdu detayá den algun stipulashonnan. E interes di (futuro) hürdónan òf habitantenan di FCB ta pará sentral den prensipio 1, kaminda ku ta trata norma i balornan ku ta pas ku e enkargo sosial. Seguidamente prensipio 2 ta trata e manera ku Gerensha i Hunta di Supervishon ta duna kuenta pa resultadonan. Prensipio 3 ta trata e kriterionan di kapasidat pa Gerensha i RvT i prensipio 4 ta trata e diálogo ku (futuro) habitantenan, OLB, Hulanda i otro partidonan di interes. Finalmente prensipio 5 ta duna atenshon na dominio di rísikonan mará na e aktividatnan.Al fin al kabo e kódigo tin komo meta pa aportá na transparensia di e sektor, loke ta hasi posibel pa partidonan di interes i e komunidat haña mihó bista kon e fundashon ta atendé ku e rekursonan sosial destiná pa esaki.

Baha: